مسجات لاعز انساني بحياتي..الام

اسأليني ياللي في كل القوافي تسأليني..
اسأليني ياحياتي دام لك بالجوف ديره..
اسأليني عن غلاك وحبك المنسوج فيني ..
يشهد الله من عرفتك وأنتي أحلامي الكبيرة..
اسأليني ياحياة الروح عن معنى حنيني..
هاذي ضلوعي من أشواقي غدت عقبك كسيره..

أمي ياكل الأماني قلبي دونك مايبيني..
من فراقك ياحياة الروح أيامي حسيره ..
أمي ياعطر السنين الحالمة وينك وويني؟؟؟..
يمه من بعدك الهم يشويني سعيدة..

والله ماللكون معنى دون شوفك ياظنيني..
وجهي الغايب عن عيونك يدور عن مصيره..
ياحياة الروح يا غاية مرادي أسكنيني..
داعبي روحي مثل نسمة هوى وقت الظهيرة..

في عروقي يابعد عمري تمادي واحرسيني ..
واجلسي بين الحشا والروح في عرشك أميره..
احتويني وانثريني فوق صدرك واجمعيني..
مثل حبات الزمرد حول عنقك مستديرة..

يمه من قلبي تمنيتك حياتي تذكريني..
بالمحبة والرضا والدعوة من روح قديرة..
يمه ادعي في صلاتي ياعسى دهرك يزيني..
ويا عسى ربي يحقق لك مطالبك الكبيرة..

تحياتي
ويارب يعطي الصحة والعافية وراحة وطولت العمر لكل الامهات...