صار انفجار وخابرت ابنها وشوف التحشيش

الام:اوف يمه هذا الولد وين صار اشكت كتله لتطلع من البيت الوضع مو زين وهو ولا كأنه دخل اخابره اشوف وين صار لان الانفجار كلش قريب
الموبايل:عفوا لا يمكن اجراء هذه المكالمه الان الهاتف المطلوب قد يكون مغلقا او خارج نطق الخدمه
Sorry the mobile your calling eather switch of or out the coverge area pleas trey agin later

الام : اوف داده هذا وين صار خلي اخابر مرت اللخ
الموبايل:عفوا لا يمكن اجراء هذه المكالمه الان الهاتف المطلوب قد يكون مغلقا او خارج نطق الخدمه
Sorry the mobile your calling eather switch of or out the coverge area pleas trey agin later

الام:يا الله هاي اشلون شغله خلي اخابر من الاسيا (طبعا اكيد هسه كل بيت عنده خطين اسيا وعراقنا)
الام طبعا كامت تخابر من الاسيا بعد المحاولات الشنيعه ويه العراقنا
الموبايل : همين لا يمكن الاتصال بهذا الرقم الان الهاتف الطلوب قد يكون مغلقا او خارج نطاق الخدمه
ما ادري هم فد شي يطلع بالكردي

المهم ما اطولها عليكم الام واخيرا حصلت ابنها وطبعا ما احجيلكم الهلاهل اشتغلت بالبيت والتصفيق والركص
تووووووووووووووووت تووووووووووووووت
توووووووووووووووت توووووووووووووووت(توت لو عنجاص)
الام: اشو هذا مكاعد يشيله خلي احاول مرت اللخ
توووووووووووت تووووووووووووووووووت

الابن :الو
الام: ها يمه شلونك ظل بالنه عليك انته وين (طبعا هاي بالدفرات كاعد يسمعها ابنها)
الابن :لا يمه ما اكدر اجيب طماطه لان ازدحام على ابو الصمون
الام :لك يا طماطه دا اكلك انته وين
الابن : اي عدهم معدنوس بس ممغسول
الام: شوكت راح تجي للبيت(طبعا هاي الكلمه الوحيده اللي سمعها الابن وانكطع الخط)
الام كامت تدك وتلطم وتكول انعلس الولد يمممممممممممممممه
وره اشويه يخابر الولد
هم توووووووووووووووووووت تووووووووووووووت
الام:الو ها يمه سعدي انته وينك زين انته
الابن:ها يمه شكلتي
الام: دا اكلك انته زين زين انته
الابن:اي زين زين
الام:خوما قريب منك الانفجار
الابن: لا يممه بعيد
الام ويه نفسها الحمد لله
الام: شوكت ترجع للبيت
الابن :يا بيت
الام: غير ابيتنا لو اليوم هم بيتوته
الابن : يا بيتوته يا بيت ليش انتي وين
الام:ليش انته وين
الابن:اني فوك بغرفتي دا اسمع اغاني
طبعا طلع الابن بالبيت وامه متدري (هههههههههههه)
الام: ايا منعول الوالدين
طـــــــــــــــــــــــــــب (هاي الركعه مال التلفون)